Hirugarren ataza: Pop Rock TB

Egileak: Cristina Goikoetxea, Ainara Gonzalez eta Irati Rubio.


PROGRAMAZIOA

0:00 / 12:00 GTM +1 Sarrera

0:22 / 12:22 GTM + 1 MTV sari-banaketak

3:00 / 15:00 GTM +1 Craig Daviden bideoak

4:05 / 16:05 GTM+1 A film with Radiohead

4:57 / 16:57 GTM +1 BBK Live Festival Bilbao

5:28 / 17:28 GTM +1 Grammy sariak

7:11 / 19:11 GTM +1 Rock bideoak

8:38 / 20:38 GTM +1 Stingen kontzertuak

9:43 / 21:43 GTM +1 40 printzipalen sariak

10:08 / 22:08 GTM +1 Pop bideoak



Bideoak on demand

Programaziotik at ikus daitezkeen bideoak dira. Sarrera, 40 printzipalen sariak eta MTV sari-banaketa ikusi ditzakezue Pop Rock TB-ra sartzen zareten bakoitzean.
Espero dugu zuen gustokoa izatea.

Ikas dezagun kontzeptuak parekatuz

Honako ariketa honetan, terminoak eta terminoei beraiei dagozkien kontzeptuak parekatu behar dituzu. Kontzeptuak hauexek dira nahas-mahas: bitakora, klimaxa, close up-a, dolly-a, teleprompterra, ekoizpena, slow motion deritzona, jingle-a, jirafa eta klaketa.

0. Jirafa
Telebistaren alorrean erabiltzen den hitza beso artikulatu moduko tresna bat izendatzeko, hots, mikrofonoa daraman besoa mikroa bera esatariengandik ahalik eta hurbilen ipintzeko iruditik landa utziz.

1. Slow motion
Irudi mugimendua moteltxoago erreproduzitzea.

2. Teleprompterra
Telebista platoan testuak seinalatzeko sistema digitala. Telebista kameraren ondoan kokatzen da pantaila, esatariak pantailara begiratzen duenean testua irakur dezan, era horretan begirada aurrera zuzenduz eta tinkotuz.

3. Bitakora
Iberoamerikan erabiltzen den hitza berriemaileentzako eskuliburuak izendatzeko

4. Klaketa
Telebistan eta zinemagintzan erabiltzen den terminoa arbel txiki bat (zurezko listoi txikerra daukana) izendatzeko. Irudiak eta soinuak sinkronizatzeko erabiltzen da arbelezko tresna hori.

5. Close up
Telebistan eta zinemagintzan erabiltzen den hitza esatari edo aktore baten lehen planoa izendatzeko (sorbaldarainokoa) edo lehen-lehen planoa adierazteko.

6. Dolly
Karro batean ezarrita doan garabi txikia, telebista estudioetan erabiltzen dena kamerak leku batetik bestera eramateko. Estudio bakoitzean hiru kamera egon ohi dira eta horietariko batek hain zuzen tresa hau darama.

7. Jingle-a
Ingelesezko hitza, irratian erabilia eta publizitate doinu arrakastatsuak izendatzeko erabili ohi dena.

8. Klimaxa
Narrazio baten une gorena (dela irratsaio batena, dela telesaio batena) izendatzeko erabiltzen den terminoa.

9. Ekoizpena
Irratsaio edo telesaio bat egiteko behar diren baliabide finantziero, material eta juridikoez arduratzea.

Nor da pertsonaia ezkutatua?

Ondorengo ariketan, irrati-telebistaren historian sona edo ospea lortu duten pertsonaiak zein diren asmatu behar duzu. Hartu datuak eta kopiatu zure bitakoran edo koadernoan, pertsonaien abizena idatzita. Ea dakizun bakoitzan nor den.

0. Vladimir Zworykin
Errusian sortu zen, Murom hirian hain zuzen, 1899an; eta 1982an hil zen. AEBetan bizitza profesionala egin zuen asmatzaile honek Vladimir zeukan izena. Aditu askok diote bera izan zela telebista elektronikoaren eta bideoaren aita. 1923an, ikonoskopioa asmatu zuen, hau da, irudiak jasotzeko tutua. 1929an kineskopioa ere asmatu zuen. Westinghouse eta Radio Corporation of America (RCA) enpresetan lan egin zuen. II. Mundu Gerran AEBetako gobernurako aholkulari zientifikoa izan zen.

1. Robert Edward Turner III
CNN telebista kate ospetsuaren jabea eta gizon aberatsa. 1938. urtean sortu zen eta Robert Edward izena jarri zioten gurasoek. Familia aberats baten hirugarren pertsonaia ospetsua. 2002an, 9.300 milioi dolar galdu zituen AOL Time Warner enpresak kolapsoa eduki zuenean merkatuan. United Nations Foundation-i mila milioi dolar eman zion. Jane Fonda artistarekin egon zen ezkondurik.

2. Joxe Mari Iriondo
Kazetari, idazle, telebistalari eta kultur eragile gipuzkoarra. Urrestillan jaioa, 1938an. Merkataritza ikasketak egin ostean, Loiolako Herri Irratian hasi zen esatari lanetan 1962tik 1982ra bitartean. Ez dok amairu taldearen sortzaileetarikoa eta ETBko erredaktore-burua 1983tik 1985ra. Euskaltzain urgazlea eta ETBko zuzendari eta programazio-buru ohia izan zen. Liburu batzuen idazlea: Noiz amatxo? eta Euskal dantzak, kasurako.

3. Ramon Labaien
Euskal Telebistaren proiektua pertsonaia honek burutu zuen. Tolosan jaio zen 1928an eta aita idazle ospetsua izan zen Tolosako alkatea eta EAJkidea izateaz gain. Bere ekimenez ETBz gain, HABE, Euskadi Irratia eta Euskadiko Orkestra sinfonikoa ere sortu ziren.

Wikipediarako nire proposamena

Teledonosti

Teledonosti 1994. urtetik Gipuzkoako tokian tokiko kanalik aitzindariena da eta El Diario Vasco-ko Grupo Multimediaren esku dago.

Bere instalazio donostiarretatik ia Gipuzkoa osora iristen da, uhinen eta Euskaltel kablearen bitartez.

Audientziari dagokionez, hilean 450000 ikus-entzule baino gehiago elkartzen dituzte eta Gipuzkoako tokian tokiko telebisten kontsumoaren gaineko kuota %50a baino altuagoa da.

Gipuzkoako ikuspegi hurbila eta zabala eskaintzen dute, izan ere, horixe de euren erronka.

Teledonostik Zuatzuko Parke Enpresarialeko bere instalazioetatik emititzen du. Instalazio horiek 750m dituzte eta ekipamendu teknikoen bidez seinalea Gipuzkoan banaturiko zazpi zentro errepikagailuetara iristen da.

TD-n egunero 35 langilez osaturiko plantilla lan egiten du. Horiei gehitzen zaie Gipuzkoako komunikatzaile nagusienak.

Modu egonkor batean hazi egin da sendotze puntu batera iristeraino, bai ekonomikoki eta baita Gipuzkoako komunikabideen panoramaren ezarkuntzari dagokionez ere.

2007. urtean Teledonosti tokian tokiko TB Digitaleko lizentzia baten adjudikataria izan da.

Top 7

Irakasgai honetarako baliagarriak izan daitezkeen webguneak honako hauek dira:

1.www.blogger.com: Blog baten bitartez edozer informazio, argazki, iritzi eta, azken finean, askotariko edukiak eskaini daitezke. Gainera, guzti hau internet dutenekin konpartitu daiteke eta bloga dutenek zure blogean aipamenak uzteko aukera dute.

2.www.mogulus.com: Edonork bere telebista propioa izateko aukera ematen du eta honetan edozein eduki eskaini daiteke.


3.http://ikastube.com: Euskaraz egindako bideo hezitzaileak eta informatzaileak jaitsi eta igotzeko aukera ematen du.


4.http://keepvid.com: Interneteko ia edozein weban aurki ditzakegun bideo anitzak gure PC-an gordetzen ditu.


5.http://es.youtube.com: Bideo ugari eskaintzen ditu eta gainera erabiltzaileek eurek eginiko bideoak igo ditzakete gainerakoekin konpartitzeko.


6.www.jamendo.com: Musika jaitsi, birmoldatu eta konpartitu daiteke. Horren truke lanaren kredituak aitortu behar dira egileak zehaztutako eran.


7.http://es.wikipedia.org: Entziklopedia askea eta eleanitza da eta internet daukan edozeinek bertan edukiak ezarri edo birmolda ditzake.

Herri-izenak euskaraz informazio saioetan

Esaldi egokiak honako hauek dira:

0.A- Al Gore estatubatuarrak, Luxenburgoko Dukerri Handia bisitatu ostean, Euskal Herriko bidea
hartuko du mintzaldi bana emateko Bilbaon eta Gasteizen.

1.A- Zenbait manifestaldi jendetsu egin dira azken egunotan Kazakhstango Errepublikan.

2.A- Litekeena da Marokon edo Gambian izatea Aldaketa Klimatikoari buruzko datozen topaketak.

3.A- Boliviar gutxi dira bertako hiru hizkuntzak, kitxua, aimara eta gaztelania alegia, menperatzen dituztenak.

4.A- Georgiako hiriburuan, Tbilisin alegia, euskaldunak non bizi diren eta georgiarrak eta
euskaldunak ahaideak izan daitezkeela dakite askok.

5.A- Abkhaziarrak georgiarren senideak dira hizkuntza aldetik; osetiarrek, ostera, kurdoen
hizkuntzaren multzokoa dute mintzaira, senidetasunik gabekoa, alegia.

6.A- Euskal arrantzaleek Seychelletako Errepublikara jo dute ezinbestean, itsaspiraten
beldur.